العناية بالبـشرة و الشعر ..~

بسم الله الرحمن الرحيم ..

أسعد الله أوقاتكم بكل خير ..

اليوم راح أحط لكم عنايتي البسيطة بـ بشرتي و شعري ..

في البداية أنا أستخدم طريقة للعناية بشعري .. خذتها من اخصائية تجميل ..

و هي اني أتروش يومين بـ صابونة الغار + بلسم ..

واليوم الثالث بالشامبو ..

طبعاً فيه منكم ما يعرفون صابونة الغار ..

هي عبارة عن زيت الغار مع زيت الزيتون .. تصنع على شكل صابونة ..

مفيدة جداً للبشرة والشعر ..

هي تصنع غالباً في بلاد الشام .. لكنها تصدر لنا .. و أعتقد موجودة بكل العطارين ..

هذي صورتها

طبعاً هي ممكن تلبد بالشعر شوي .. بس مع البلسم تصير اووكي ..

انا كنت أستخدم البلسم بس بعدين تركته ..

وصرت أستخدمها لوحدها ..

أول يوم عاادي ما يبين شي .. لكن ثاني يوم صدق ما يصير الشعر يتهفهف هع

لكن إجازة والحياة حلوه هع

مثل ما قلت لكم من قبل اني اسوي تدليك لجسمي خلال كل شاور ..

و بعدها أنظف جسمي بصابونة الغار ..

أكيد بتقولون شلون وهي أصلاً زيتية يعني ما تنظف ..

لا بالعكس حدددها تنظف و تنعم بعد ..

لكني لزيادة النظافة أستخدم شامبو الاستحمام و أتنقع في البانيو هع

نجي الحين إلى بعد الاستحمام ..

أول شي و أهم شي هو مزيل رائحة العرق ..

طبعاً انا ما بقى منتج ما جربته .. ومع ذلك ما يفيد ..

و خصوصاً للي يطلع كثير و يمشي و يتحرك كثير

إلى ان أمي - الله يحفظها ويخليها لي - لقت خلطة في النت و سوتها ..

و الله الشاهد اني من بديت أستخدمها خفت ريحة العرق الكريهة ..

و بدت تبيض المنطقة ..

وهذي صورتها

طبعاً قربت تخلّص .. ان شاء الله بتسوي لي امي جديدة ..

إذا أحد منكم يبيها يراسلني  وأرسل له الطريقة ..

بعد كذا حبيب قلبي بودرة بيبي جونسون .. هذي أموت عليها ..

من وانا صغيرة وانا أحبها مستحيل يمر يوم ما احطها ..

و العطر من زهور الريف .. هذا استخدمه يومياً في البيت ..

أما عطر الطلعات فـ هو هذا الشيء من كارولين هريرا

بالنسبة لـ بشرة الوجه .. أستخدم المنظف اسكانول .. كنت استخدم اللي بالليمون .. لكن للأسف آخر مراا ما لقيته و شريت الكلاسيك

و بعدها كريم مرطب جرنجز صراحة مراا يجنن ..

أما الشعــر .. فـ استخدم كريم الشعر من غارنير .. روووعة حدده .. مراا يخلي الشعر سهل التسريح ..

تذكرت شي صار لي أيام الثانوي ..

كان بداية خراب شعري هع .. فـ قالوا لي استخدمي كريستال قبل الاستشوار ..

المهم اني أتروش قبل لا أروح المدرسة و أنشفه ع السريع ..

جا ذاك اليوم المشؤوم ..

قمت متأخر نوعاً ما .. تروشت بسرررعه و حطيت كريستال على شعري

و انا قلت زيادة الخير خيرين .. فـ كثرت شوي

و صرت هندية حاطه زيت دابر املا هههههههههه

طبعاً ما استوعبت إلا بعد ما نشف شعرري شوي ..

و يوم جيت أمشط شعري و الا الشعر ما يتحرك

أبددد ملبد و لازق بمكانه

قسم بالله بكيييت إلا شوي هع

طبعاً كان مافيه مجال إني أتروش مرا ثانية

و مدرستنا مرااا شديدة من ناحية الغياب و التأخير ..

فـ اضطريت أروح بمأساتي ههههه

والله مدري شلون مر هذاك اليووم ..

و من بعدها حرمت أحطه

مع ان الكل يستخدمونه بس مو يسبحون فيه مثلي هع

وهذي صورته للي ما يعرفه

باقي ستايلي الحالي في الجامعة .. ان شاء الله بحطه لكم قريب ..

أتمنى تستفيدون مني و أستفيد منكم ..

و حياكم الله .. ~